英女創研魚鱗造塑膠 強韌低密度可自然分解| likemagazine.com.hk
Special
英女創研魚鱗造塑膠	強韌低密度可自然分解

英女創研魚鱗造塑膠 強韌低密度可自然分解

塑膠袋嘅發明,改變咗現代人嘅生活,但近年環保盛行,塑膠袋難以分解,為全球生態帶來危機。話說塑膠袋嘅發明者當年發明塑膠袋,目的為循環再用,點知到咗今日今日,大家竟然用完即棄,而且濫用嚴重,真係激死。為咗解決塑膠袋引發嘅污染危機,全球想盡辦法。除咗減用塑膠袋,外出BYOB外,仲有好多環保發明。最近英國女學生Lucy Hughes研發用魚鱗造出一種可分解嘅塑膠「MarinaTex」,創新嘅意念喺世界帶來大迴響。

 

一次解決兩個環保難題

Lucy成研發魚鱗造膠,其實係意外,起初佢研究目的係減少魚鱗數量。原來魚鱗係漁業常見廢物,據估計,全球每年產生5千萬噸廢棄魚鱗。Lucy本來想諗下點利用呢啲魚鱗廢物,創造價值,結果無意中發現魚鱗具有彈性和柔韌性特質,覺得極具其他潛質,於是深入研究落去。佢為咗加強魚鱗嘅強度和穩定度,將甲殼類動物嘅聚糖分子紅藻中嘅瓊脂成分加到魚鱗和魚皮中,提煉成全新嘅可自然分解、呈半透又柔軟嘅塑膠。經測試後,證實強度比有嘅低密氷聚乙烯塑膠更好,而且不會產生毒物質可廣泛應用在食品包裝上,而且可以喺46周內自然分解, Lucy嘅創意研發,一次過解決咗兩個環保難題,廢魚鱗轉廢為有用,亦可解決全球塑膠問題。佢唔單止完美示範咗,只要有創意,世上無難事,仲憑呢項發明獲得本年度James Dyson設計大獎國際冠軍。

 

 

 

你或會有興趣的相關文章:

眼鏡界新潮可持續眼鏡  咖啡渣洗頭水樽造鏡框

珠峰垃圾愈積愈多  環團回收再造變家用品

 

 

TEXT: MaryLin

相關文章
約會點打扮提升脫單機會?男女約會打扮3寶約會點打扮提升脫單機會?男女約會打扮3寶 澳洲山火樹熊受災        眾籌助養救樹熊澳洲山火樹熊受災 眾籌助養救樹熊 飼養寵物鼠請三思        事前了解寵物特性免棄養飼養寵物鼠請三思 事前了解寵物特性免棄養 廁紙一卷難求成賊人目標│話你知關於廁紙嘅5件事廁紙一卷難求成賊人目標│話你知關於廁紙嘅5件事 2020年鼠年犯太歲生肖+拜太歲攻略2020年鼠年犯太歲生肖+拜太歲攻略 青年宿舍1月4日截申請          獨居百幾呎每月只$4XXX青年宿舍1月4日截申請 獨居百幾呎每月只$4XXX