食豬賀豬年 3款特色豬食事| likemagazine.com.hk
Shopping

食豬賀豬年 3款特色豬食事

豬年將至,一於食豬過節。飲食界豬聲四起,不少都以豬作「主」!小記搜羅了以下3間特色店子都賣「豬」,唔知呢幾隻「豬」會不會令你想即刻去獵「豬」呢!

 

豬豬層層疊步步高陞

氣候大變,今個冬天不太冷,新年暖洋洋,不如食個豬頭雪糕涼快一下。呢個咁可愛的豬頭雪糕,出自Emack Bolio's。向來玩味甚濃,雪糕層層疊是耍家招數。今次將雪糕球加點裝飾,變成肥豬,豬疊豬,可愛得令人唔捨得食。新年小豬特別版雪糕,每個$88,雪糕口味可選雲呢拿和桑莓,以一大一小的雪糕球配上指定Marsh "Mellow”雪糕脆筒。Emack Bolio's在中環、灣仔、尖沙咀和荃灣都有分店,外出拜年順便去買個豬頭雪糕應應節啦!

 

 

 

粉紅豬蛋糕添福聚寶 

新春共聚,要買點特色的東西去拜年,齊齊分享嗎?豬造型蛋糕,夠晒應節。獲名人紅星熱捧的Vive Cake Boutique,為農曆豬年設計了一款Fortune Piggy$880 / 1磅)蛋糕,可愛活潑粉紅豬仔非常吸睛,配上主題小豬錢罌及品牌標誌性的雪糕筒,人人見到都歡喜。呢個蛋糕不但有漂亮的外表,更有創意趣味內涵。蛋糕口味可自選,共有8種口味,包括當中包括傳統的「朱古力蛋糕配牛油忌廉和脆珠」、「紅絲絨蛋糕配忌廉芝士」、「香蕉蛋糕配朱古力牛油忌廉」和「榛子蛋糕配榛子牛油忌廉」;而愛品嘗創新口味的朋友則可一試「開心果蛋糕配開心果牛油忌廉」、「伯爵茶蛋糕配伯爵茶忌廉」、「檸檬蛋糕配檸檬牛油忌廉及檸檬醬」和「綠茶蛋糕配綠茶牛油忌廉」,總有一款啱你心水。蛋糕是全人手新鮮製造,還有以賀年必備的朱古力金元寶及金幣作裝飾。親友見到,邊個會忍得口唔食一口?

 

 

 

酥炸豬肉全年當旺

一連介紹了兩款甜食,豬當然不止甜,配鹹一樣美味。呢間名叫「咕咾Goolo」食店,招牌是酥炸咕咾肉。豬爽肉($38)、豬腩肉($38)、梅頭肉($38),不同肉質口感,迎合不同人的口味要求。5款醬汁供配搭(每款$10),包括:菠蘿咕咾醬、淡忌廉芝士牛油果醬、金沙蛋黃醬、他他醬,以及最估佢唔到的皮蛋紅薑醬。豬肉炸得酥脆,醮點特色醬,好吃得停不了口。

 其實今次介紹,除了因為咕咾肉是豬肉,配合豬年主題外,重點是呢隻「咕咾復刻豬仔錢罌」,係咪好有回憶呢?只要在店內買任何食物,就可以$38帶佢返屋企!錢罌內更有$5優惠券,可以下次光顧再用。

 

 

 

INFO

https://emackandboliohk.com/

www.vive.hk

咕咾 Goolo         3460 2328

 

 

 

TEXTJosi Yan

如有任何有關旅遊、飲食、購物著數優惠、玩樂、美容或健康等資訊,歡迎大家報料給小編啊~~

editors@likemagazine.com.hk

相關文章
Beerliner優惠德菜午餐 最平$78另設3人同行1免費 $28升級龍蝦湯 Reebok X 麥兜豬年限定 新年要買鞋百無禁忌 仲有女生最愛粉紅色! 率先感受櫻花的浪漫 星巴克櫻花杯開賣啦! 仲有布袋花瓣碗! Master Kama人氣龍蝦包 買1送1堂食外賣OK!松露薯條每位$15任食 麥記全新$16下午茶餐 A+B區自選組合抵食! 芝蛋脆雞飽新登場 銅鑼灣多啦A夢郵局 寄信給未來的你 快手掃限量商品! 銅鑼灣限定火鍋放題 任食A5飛驒和牛肩脊肉 食幾碟即回本! 觀塘釣魚歎日本菜 工廈首間釣魚居酒屋